18th May 2020

बलिवूड नायिका अनुश्काको सिरियल पाताललोक को संबाद माथी नेपाली नायिकाको बिरोध ।

जेठ,५,२०७७ ।बलिउडकी चर्चित नायिका अनुष्का शर्माले निर्माण गरेको एक भारतीय सिरियलमा नेपाली शब्द जोडेर निकै तुच्छ गाली दिइएको पाइए पछी यती बेला यती बेला अनुश्का शर्माको र उक्तभिदियो को चौतर्फी आलोचना र बिरोध भैरहेको छ । बलिउड नायिका अनुष्का शर्मा निर्मात्री रहेको पाताललोक नामको सिरियलमा एक महिलालाई गाली गर्नका लागि  निकै तल्लो स्तरको शब्द प्रयोग गरिएको भेटिए पछी यस को बिरोध हुन शुरु भएको हो । अमेजन प्राइम सिरिजमा प्रसारण भइरहेको पाताल लोक सिरियलको पहिलो सिजनको दोस्रो एपिसोडको ३ मिनेट ४१ औं सेकेन्डमा महिला पुलिसकर्मीले एक युवतीमाथि कुटपिट गर्दै ‘साथी हुन् कि ग्राहक हुन् ? धन्धा गर्छेस् ? नेपाली रण्ं’ जस्ता तल्लो स्तरको संबाद प्रयोग गरिएको भेटिए पछी नेपाली चलचित्रकी रेखा थापा, करिश्मा मानन्धर, केकी अधिकारी कलाकार सरिता लामिछाने लगाएतले यसको चर्को बिरोध गरेका छन ।यसको साथ साथै  प्रलक्ष नामका एक व्यक्तिले निकै लामो पोष्ट लेख्दै अनुष्का शर्माबाट माफी मागेका छन् । उनले सामाजिक सञ्जाल  इन्स्टाग्राममा ‘एउटा सार्वभौम राष्ट्रका निकै मिहिनेती समुदायका लागि यस्तो शब्दको प्रयोग गर्न कसरी आँट गर्यौ ? म एक भारतीय गोर्खा हुँ मैले यो यसकारण लेखेँ किनभने यसले मलाई दुःखी बनायो । मेरी आमा र दिदी बहिनीले यस्तै चित्रणका कारण विभिन्न समस्या भोग्नुपरेको छ  र तिमीहरुले घाउमा नुन खुर्सानी दल्ने काम गरिरहेका छौ ।’ पाताललोकको यो दृश्यले यहाँ साम्प्रदायिक वैमनस्यता निम्त्याएको छ जुन नेपाल र मेरो पूर्वोत्तर समुदायका लागि पूर्ण रुपमा जातीवाद हो । ‘माफी माग र यो दृश्य हटाउ लेखिएको पोस्ट गरेका छन । त्यसै गरी नायिका रेखा थापाले पनि यस मा आपत्ती जनाउदै सामाजिक सञ्जालमा लेखेकी छिन एकातिर जमिन अतिक्रमण गरेर हाम्रो सर्वभौमिकता माथि धावा बोल्ने, भएन भनेर बलिउडका फिल्म र सिरियलमा नेपालीको मान मर्दन हुने गरेर प्रस्तुत गर्ने दादागिरीको घोर भ्रत्सना गर्दछु । पातललोक नामक सिरियलमा नेपाली महिलाको अस्मिता र हाम्रो सार्वभौम देशको स्वाभिमानी छोरी हरुलाई जुन निच शब्द प्रयोग गरिएको छ त्यो घोर आपत्ति जनक छ । त्यती मात्र होइन एस्तो भाषा र हेपाह प्रब्रितीले बलिउडका फिल्म, कला साहित्यको नारी प्रतिको असहिष्णुता र सोचको स्तर पनि देखाएको छ । एसको निर्माण सम्बद्द पक्षले तुरुन्तै माफि मागोस र रेकर्ड बाट हटाइयोस । कुन देशका छोरी बहादुर छन भन्ने ईतिहास साक्षी छ, हामीले कुनै सिरियल वा कठपुतली बनेर फिल्म खेल्ने सँग सिक्नु छैन । यता नेपालमा भारतीय सिनेमाको दलाली गर्ने, लाइन लागेर हेर्ने र घर-घर मा हिन्दी सिरियल हेर्ने भिड पनि होसमा आओस । त्यसै गरी कलाकार सरिता लामिछाने ले पनि स्वाभिमानी नेपालीहरुको अस्तित्व माथि प्रहार गरियका यि र यस्ता कार्यहरु तत्काल बन्द गरी सम्बन्धित निकायले माफी मागोस । भन्दै सामाजिक सञ्जालमा लेखेकी छन ।सामाजिक सञ्जाल मार्फत बिरोध गर्दै नायिका ऋचा शर्माले पनि अमेजन प्राइमको 'पाताल लोक' सिरिजमा नेपाली महिलालाई लिएर जुन अपशब्द प्रयोग भयो, त्यसले सम्पूर्ण नेपालीको मन दु:खेको छ । फिल्मको निर्माण पक्षले नेपालीहरूसँग माफी माग्नुपर्छ र त्यो शब्द सिरिजबाट हटाउनुपर्छ । यस्तो बेलामा हामी सबै एक भएका छौं । तर, यस्तो एकता नेपाली कलाकार, माेडल, मिस नेपालहरूलाई 'रन्डी', 'भालु' भनेर आउने टिप्पणीको विरोधमा कहिल्यै देखिन्न । त्यो टिप्पणी व्यक्तिविशेषलाई आएको भएर कसैले चासो नदेखाउनुभएको होला शायद । त्यस्ता अपशब्द बोल्नेहरूलाई पाठ सिकाउनु पर्दैन हामीले ? अहिले नजागे कहिले जाग्ने ?लेखेकी छन ।त्यस्तै नायिका केकी अधिकारीले पनि भो छोडदिनुस् , आफ्नाले भन्न छाडेका छन् र अरुले नभनुन् ?आज अरुले आफ्ना चेलीबेटीलाई देशकै नाम लिएर तुच्छ गाली गर्दा सार्है चित्त दुख्यो ? मन पोल्यो ? रगत उम्लेर आयो ? आफ्नै भनाउदाहरुबाट यस्ता गालीहरु मुख अगाडी , मुख पछाडी , सामाजिक सन्जालमा, यु ट्युब  मा वाल्छ्याल्ती नसुनेका, नदेखेका हौं र ? हो, हामीबाटै सिकेका हुन् । यिनिहरुलाई भन्न मिल्ने रहेछ भनेर हामीले नै उकासेका हौँ। छातीमा हात राखेर भन्नुस त हामीले आफ्नै देशका दिदिबहिनीलाई यस किसिमका अपहेलना कति गरेका छौ ? अनि हामी यो आशा गरिरहेका छौँ कि अरु चाही बदलिउन् । तर आफूलाई त जति पनि अधिकार छ महिलाको चरीत्र हत्या गर्ने ? हैन ?उता जे भयो ,जसरी उनीहरुले हामीलाई बुझे त्यो कदापि माफी योग्य छैन। तर के हामी ठीक छौँ ? एकपटक आफूले आफूलाई निसंकोच नियाल्ने कि ? ?  यसका साथै, रक गायिक अभया सुब्बाले पनि प्रलक्षको उक्त पोष्ट सामाजिक सञ्जाल मार्फत सेयर गर्दै यसमा उल्लेख गरिएको शब्दले पूरा समुदायको अपमान गरेको भन्दै अनुष्का शर्माबाट माफीको माग गरेकी छिन् ।